ܝܕܹܥܡܘܼܢ ܠܗܘܿܢ ܙܸܕܩܵܘܟܼܘܿܢ (ܗܲܩܘܼܝܵܬܵܘܟܼܘܿܢ)، ܐ݉ܡܘܿܪܘܼܢ ܠܵܗ ܗܲܡܙܲܡܬܵܘܟܼܘܿܢ Know your rights, have your say (Assyrian)

IMHA ܝܼܠܵܗܿ ܚܕܵܐ ܚܸܠܡܲܬ ܡܲܓܵܢܵܝܬܵܐ ܘܐ݉ܪܵܙܵܢܵܝܬܵܐ ܕܣܢܵܕܬܵܐ ܩܵܐ ܐܵܢܝܼ ܐ݉ܢܵܫܹܐ ܕܝܼܢܵܐ ܩܲܒܘܼܠܹܐ ܕܲܪܡܲܢܬܵܐ ܓ̰ܲܒܪܵܝܬܵܐ ܝܲܢ ܕܝܼܢܵܐ ܢܝܼܓܵܪܵܢ ܒܘܼܬ ܩܲܒܲܠܬܵܐ ܕܕܲܪܡܲܢܬܵܐ ܓ̰ܲܒܪܵܝܬܵܐ.

ܣܢܵܕܬܵܐ ܫܪܝܼܬܵܐ ܕܚܘܼܠܡܵܢܵܐ ܕܗܵܘܢܵܐ (Independent Mental Health Advocacy (IMHA)) ܡܵܨܝܵܐ ܕܗܲܝܸܪܵܐܠܵܘܟܼܘܿܢ ܠܝܼܕܵܥܲܝܗܝ ܙܸܕܩܵܘܟܼܘܿܢ ܘܠܐ݉ܡܵܪܵܐ ܗܲܡܙܲܡܬܵܘܟܼܘܿܢ. IMHA ܝܼܠܵܗܿ ܚܕܵܐ ܚܸܠܡܲܬ ܡܲܓܵܢܵܝܬܵܐ ܘܐ݉ܪܵܙܵܢܵܝܬܵܐ ܕܣܢܵܕܬܵܐ ܩܵܐ ܐܵܢܝܼ ܐ݉ܢܵܫܹܐ:

  • ܕܝܼܢܵܐ ܩܲܒܘܼܠܹܐ ܕܲܪܡܲܢܬܵܐ ܓ̰ܲܒܪܵܝܬܵܐ
  • ܝܲܢ ܕܝܼܢܵܐ ܢܝܼܓܵܪܵܢ ܒܘܼܬ ܩܲܒܲܠܬܵܐ ܕܕܲܪܡܲܢܬܵܐ ܓ̰ܲܒܪܵܝܬܵܐ.

IMHA ܝܼܠܵܗܿ ܚܕܵܐ ܚܸܠܡܲܬ ܡܘܼܩܪܸܒܼܬܵܐ ܒܝܲܕ ܥܘܼܕܪܵܢܵܐ ܩܵܢܘܿܢܵܝܵܐ ܕܒܼܸܟܬܘܿܪܝܵܐ (Victoria Legal Aid) ܐܝܼܢܵܐ ܠܹܐ ܝܠܵܗܿ ܚܕܵܐ ܚܸܠܡܲܬ ܩܵܢܘܿܢܵܝܬܵܐ. IMHA ܠܵܐ ܝܼܠܵܗܿ ܐ݉ܣܝܼܪܬܵܐ ܒܚܸܠܡܲܬܹܐ ܕܚܘܼܠܡܵܢܵܐ ܕܗܵܘܢܵܐ.

ܐܲܚܢܲܢ ܒܸܕ ܡܲܚܒܸܪܲܚ ܠܵܘܟܼܘܿܢ

ܒܫܲܪܵܝܬܵܐ ܡܼܢ ܣܝܼܩܘܿܡܵܐ 1 ܐܝܼܠܘܿܠ 2023، ܩܵܢܘܿܢܵܐ ܕܚܘܼܠܡܵܢܵܐ ܕܗܵܘܢܵܐ ܘܕܛܵܒܼܘܼܬܵܐ ܕܚܲܝܹܐ ܕܫܲܢ݉ܬܵܐ ܕ 2022 (Mental Health and Wellbeing Act 2022) ܒܹܐܡܵܪܵܐ ܝܠܹܗ ܕܐܲܚܢܲܢ ܒܸܕ ܦܵܝܫܲܚ ܡܘܼܝܕܸܥܹܐ ܒܥܸܕܵܢܵܐ ܕܢܘܼܩܙܹܐ ܪܹܫܵܝܹܐ ܐܝܼܡܲܢ ܕܩܲܒܘܼܠܹܐ ܝܬܘܿܢ ܕܲܪܡܲܢܬܵܐ ܓ̰ܲܒܪܵܝܬܵܐ. ܝܠܘܿܦܘܼܢ ܒܘܼܫ ܙܵܘܕܵܐ ܒܘܼܬ ‘ܐܝܼܡܲܢ ܒܸܕ ܦܵܝܫܵܐ IMHA ܡܘܼܕܸܥܬܵܐ؟’ (‘When will IMHA be notified?’).

ܐܲܚܢܲܢ ܒܸܕ ܡܲܚܒܸܪܲܚ ܠܵܘܟܼܘܿܢ ܐܸܠܵܐ ܐܸܢ ܐܲܚܬܘܿܢ ܐܵܡܪܝܼܬܘܿܢ ܠܲܢ ܕܠܵܐ ܡܲܚܒܸܪܲܚ ܠܵܘܟܼܘܿܢ. ܐܝܼܡܲܢ ܕܡܲܚܒܸܪܲܚ ܠܵܘܟܼܘܿܢ، ܒܸܕ ܦܲܫܩܲܚ ܩܵܐܠܵܘܟܼܘܿܢ ܡܘܿܕܝܼ ܟܹܐ ܥܵܒܼܕܲܚ ܐܲܚܢܲܢ، ܘܐܲܚܬܘܿܢ ܒܸܕ ܫܵܩܠܝܼܬܘܿܢ ܦܘܼܣܩܵܢܵܐ ܐܸܢ ܒܵܥܝܼܬܘܿܢ ܠܗܘܿܢ ܚܸܠܡܲܬܲܢ. ܝ݉ܠܘܿܦܘܼܢ ܕܵܐܟܼܝܼ ‘ܐܵܡܪܝܼܬܘܿܢ ܠܲܢ ܕܠܵܐ ܡܲܚܒܸܪܲܚ ܠܵܘܟܼܘܿܢ’ (‘Tell us not to contact you’).

ܐܲܚܬܘܿܢ ܡܵܨܝܼܬܘܿܢ ܡܲܚܒܸܪܝܼܬܘܿܢ ܠܲܢ

ܐܸܢ ܐܲܚܬܘܿܢ ܗܵܕܝܼܵܐ ܠܹܐ ܝܬܘܿܢ ܩܲܒܘܼܠܹܐ ܕܲܪܡܲܢܬܵܐ ܓ̰ܲܒܪܵܝܬܵܐ، ܐܝܼܢܵܐ ܢܝܼܓܵܪܵܢ ܝܼܬܘܿܢ ܒܘܼܬ ܩܲܒܲܠܬܵܐ ܕܕܲܪܡܲܢܬܵܐ ܓ̰ܲܒܪܵܝܬܵܐ، ܗܵܠܵܐ ܡܵܨܝܼܬܘܿܢ ܡܵܛܝܼܬܘܿܢ ܠܚܸܠܡܲܬܹܐ ܕ IMHA. ܐܲܚܬܘܿܢ ܓܵܪܲܓ ܡܲܚܒܸܪܝܼܬܘܿܢ ܠܲܢ ܚܲܕܪܹܫܵܐ ܣܲܒܵܒ ܐܲܚܢܲܢ ܠܹܐ ܦܵܝܫܲܚ ܡܘܼܝܕܸܥܹܐ. ܡܵܨܝܼܬܘܿܢ ܡܲܚܒܸܪܝܼܬܘܿܢ ܠܲܢ ܥܲܠ ܡܸܢܝܵܢܵܐ 820 947 1300، ܝܲܢ ܫܲܕܪܝܼܬܘܿܢ ܚܲܕ ܐܝܼܡܵܝܠ ܩܵܐ contact@imha.vic.gov.au. ܝܠܘܿܦܘܼܢ ܒܘܼܫ ܙܵܘܕܵܐ ܒܘܼܬ ܕܵܐܟܼܝܼ ܡܲܚܒܸܪܝܼܬܘܿܢ ܠܲܢ. ܐܲܚܬܘܿܢ ܐܵܦ ܡܵܨܝܼܬܘܿܢ ܕܗܲܡܙܸܡܝܼܬܘܿܢ ܥܲܡܲܢ ܒܠܸܫܵܢܵܘܟܼܘܿܢ.

ܣܲܒܵܒܹܐ ܝܕܝܼܥܹܐ ܕܐ݉ܢܵܫܹܐ ܟܹܐ ܗܵܘܝܼ ܢܝܼܓܵܪܵܢ ܡܸܢܲܝܗܝ ܒܘܼܬ ܩܲܒܲܠܬܵܐ ܕܕܲܪܡܲܢܬܵܐ ܓ̰ܲܒܪܵܝܬܵܐ ܒܸܚܒܼܵܫܵܐ ܝܢܵܐ ܪܓܼܵܫܬܵܐ ܐܲܝܟܼ ܕܐܸܢ ܐܲܚܬܘܿܢ ܠܹܐ ܡܵܨܝܼܬܘܿܢ ܕܠܵܐ ܣܲܙܓܸܪܝܼܬܘܿܢ ܥܲܡ ܝܲܗܠܵܘܟܼܘܿܢ ܕܲܪܡܸܢܵܢܵܐ، ܝܲܢ ܝܲܗܠܵܘܟܼܘܿܢ ܕܲܪܡܸܢܵܢܵܐ ܐ݉ܡܝܼܪܠܹܗ ܐܸܢ ܠܵܐ ܥܵܒܼܕܝܼܬܘܿܢ ܚܲܕ ܡܸܢܕܝܼ ܕܐ݉ܡܝܼܪܠܲܢ ܩܵܐܠܵܘܟܼܘܿܢ، ܐܲܚܬܘܿܢ ܒܸܕ ܦܵܝܫܝܼܬܘܿܢ ܡܘܼܬܒܼܹܐ ܬܚܘܿܬ ܕܲܪܡܲܢܬܵܐ ܓ̰ܲܒܪܵܝܬܵܐ.

ܕܵܐܟܼܝܼ IMHA ܡܵܨܝܵܐ ܕܣܵܢܕܵܐ ܠܵܘܟܼܘܿܢ

ܐܲܚܢܲܢ ܡܵܨܲܚ ܕܣܵܢܕܲܚ ܠܵܘܟܼܘܿܢ ܩܵܐ ܕ:

ܐܲܚܢܲܢ ܡܵܨܲܚ ܕܡܲܪܝܸܙܲܚ ܚܲܕ ܬܲܪܓܡܵܢܵܐ. ܩܵܐ ܕܐܲܚܬܘܿܢ ܡܵܨܝܼܬܘܿܢ ܕܗܲܡܙܸܡܝܼܬܘܿܢ ܥܲܡܲܢ ܒܠܸܫܵܢܵܘܟܼܘܿܢ. ܐܵܦ ܡܵܨܝܼܬܘܿܢ ܡܲܚܒܸܪܝܼܬܘܿܢ ܩܵܐ ܚܸܠܡܲܬ ܕܬܲܪܓܲܡܬܵܐ ܥܲܠ ܡܸܢܝܵܢܵܐ 450 131 ܘܛܵܠܒܝܼܬܘܿܢ ܕܐܵܣܪܝܼܠܵܘܟܼܘܿܢ ܒܬܹܠܹܦ̮ܘܿܢ ܥܲܡܲܢ.
IMHA ܡܵܨܝܵܐ ܕܗܵܘܝܵܐ ܩܲܝܘܼܡܬܵܐ ܩܵܐܠܵܘܟܼܘܿܢ ܒܡܲܩܪܵܒܼܬܵܐ ܕܚܘܼܫܵܒܼܵܘܟܼܘܿܢ ܩܵܐ ܚܸܠܡܲܬ ܕܚܘܼܠܡܵܢܵܐ ܕܗܵܘܢܵܐ ܘܕܛܵܒܼܘܼܬܵܐ ܕܚܲܝܹܐ ܕܕܝܼܵܘܟܼܘܿܢ ܡܼܢ ܒܵܬ݉ܪ ܕܐܲܚܬܘܿܢ ܝܗܝܼܒܼܹܐ ܝܬܘܿܢ ܠܡܩܲܒܠܵܢܘܼܬܵܘܟܼܘܿܢ.

ܣܵܢܕܵܢܵܐ ܕ IMHA ܕܕܝܼܵܘܟܼܘܿܢ:

  • ܒܸܕ ܦܵܠܹܚ ܐܲܝܟܼ ܕܐܲܚܬܘܿܢ ܛܵܠܒܝܼܬܘܿܢ ܡܸܢܹܗ
  • ܠܵܐ ܒܸܕ ܥܵܒܼܹܕ ܚܲܕ ܡܸܢܕܝܼ ܕܠܵܐ ܡܩܲܒܠܵܢܘܼܬܵܐ ܕܕܝܼܵܘܟܼܘܿܢ
  • ܠܵܐ ܒܸܕ ܦܵܐܹܫ ܡܗܘܼܕܝܵܐ ܒܡܘܿܕܝܼ ܐ݉ܚܹܪ݉ܢܹܐ ܒܲܠܟܵܐ ܕܬܲܚܡܸܢܝܼ ܕܒܘܼܫ ܨܦܵܝܝܼ ܝܼܠܹܗ ܩܵܐܠܵܘܟܼܘܿܢ، ܐܸܢ ܐܲܚܬܘܿܢ ܝܼܬܘܿܢ ܠܵܐ ܒܵܨܘܿܪܵܐ ܒܥܘܼܡܪܵܐ ܡܼܢ 16 ܫܸܢܹܐ. ܐܸܢ ܝܼܬܘܿܢ 15 ܫܸܢܹܐ ܝܲܢ ܒܘܼܫ ܒܵܨܘܿܪܹܐ ܒܥܘܼܡܪܵܐ، IMHA ܒܸܕ ܡܲܛܐܸܒܼܵܐ ܠܓܲܫܲܩܝܵܬܵܘܟܼܘܿܢ ܘܦܵܠܚܵܐ ܥܲܡ ܒܲܝܬܘܼܬܵܘܟܼܘܿܢ، ܬܲܓܒܸܪܵܢܵܘܟܼܘܿܢ، ܘܣܵܢܕܵܢܵܘܟܼܘܿܢ ܠܐܲܟܘܼܕܹܐ ܕܗܸܢܝܵܢܵܘܟܼܘܿܢ ܒܘܼܫ ܨܦܵܝܝܼ ܦܝܼܫܹܐ ܝܢܵܐ ܢܛܝܼܪܹܐ.

ܐ݉ܡܘܿܪܘܼܢ ܠܲܢ ܕܠܵܐ ܡܲܚܒܸܪܲܚ ܠܵܘܟܼܘܿܢ

ܐܲܚܬܘܿܢ ܣܢܝܼܩܹܐ ܝܬܘܿܢ ܕܡܙܲܘܸܕܝܼܬܘܿܢ ܡܵܘܕܥܵܢܘܼܬܵܐ ܪܫܝܼܡܬܵܐ ܒܘܼܬ ܓܵܢܵܘܟܼܘܿܢ ܩܵܐ ܕܐܲܚܢܲܢ ܡܵܨܲܚ ܐܲܟܸܕܲܚ ܕܐܲܚܢܲܢ:

  • ܠܵܐ ܓ̰ܲܪܒܲܚ ܡܲܚܒܸܪܲܚ ܠܵܘܟܼܘܿܢ، ܘ
  • ܫܵܝܦܲܚ ܠܡܵܘܕܥܵܢܘܼܬܵܐ ܕܩܘܼܒܠܵܐ ܠܲܢ ܒܘܼܬ ܕܲܪܡܲܢܬܵܐ ܓ̰ܲܒܪܵܝܬܵܐ ܕܕܝܼܵܘܟܼܘܿܢ.

ܡܵܘܕܥܵܢܘܼܬܵܐ ܕܡܙܲܘܸܕܝܼܬܘܿܢ ܠܵܗܿ ܩܵܐܠܲܢ ܒܸܕ ܦܵܝܫܵܐ ܡܕܘܼܒܸܪܬܵܐ ܒܝܲܕ ܦܵܠܵܚܹܐ ܕܡܲܟܼܬܒܼܵܐ ܕܕܝܼܲܢ. ܝܠܘܿܦܘܼܢ ܒܘܼܬ ܕܵܐܟܼܝܼ ܐܲܚܢܲܢ ܟܹܐ ܡܕܲܒܪܲܚ ܠܡܵܘܕܥܵܢܘܼܬܵܐ ܦܲܪܨܘܿܦܵܝܬܵܐ ܘܚܲܡܲܚ ܠܕܝܼܠܵܢܵܝܘܼܬܵܘܟܼܘܿܢ.

ܩܵܐ ܕܐܵܡܪܝܼܬܘܿܢ ܠܲܢ ܕܠܵܐ ܡܲܚܒܸܪܲܚ ܠܵܘܟܼܘܿܢ:

ܐܲܚܬܘܿܢ ܡܵܨܝܼܬܘܿܢ ܕܛܵܠܒܝܼܬܘܿܢ ܡܼܢ ܚܲܕ ܦܵܠܵܚܵܐ ܝܲܢ ܣܵܢܕܵܢܵܐ ܕܗܲܝܸܪܠܵܘܟܼܘܿܢ ܕܫܲܕܪܝܼܬܘܿܢ ܠܦ̮ܘܿܪܡ.
ܐܸܢ ܫܘܼܚܠܸܦܠܵܘܟܼܘܿܢ ܚܝܼܵܠܵܘܟܼܘܿܢ ܒܵܬ݉ܪ ܗܵܕܵܟܼ ܘܡܘܼܚܸܒܠܵܘܟܼܘܿܢ ܕܦܵܝܫܝܼܬܘܿܢ ܡܘܼܚܒܸܪܹܐ ܒܝܲܕ IMHA ܐܝܼܡܲܢ ܕܩܲܒܘܼܠܹܐ ܝܬܘܿܢ ܕܲܪܡܲܢܬܵܐ ܓ̰ܲܒܪܵܝܬܵܐ، ܐܲܚܬܘܿܢ ܡܵܨܝܼܬܘܿܢ:

ܐܝܼܡܲܢ ܒܸܕ ܦܵܝܫܵܐ IMHA ܡܘܼܕܸܥܬܵܐ؟

IMHA ܒܸܕ ܦܵܝܫܵܐ ܡܘܼܕܸܥܬܵܐ ܐܸܢ:

  • ܐܲܚܬܘܿܢ ܦܝܼܫܹܐ ܝܬܘܿܢ ܡܘܼܬܒܼܹܐ ܬܚܘܿܬ ܦܘܼܩܕܵܢܵܐ ܕܚܕܵܐ ܕܲܪܡܲܢܬܵܐ ܙܵܒܼܢܵܢܵܝܬܵܐ، ܝܲܢ ܬܚܘܿܬ ܦܘܼܩܕܵܢܵܐ ܕܚܕܵܐ ܕܲܪܡܲܢܬܵܐ، ܒܸܚܒܼܵܫܵܐ ܐܸܢ ܐܲܚܬܘܿܢ ܝܼܬܘܿܢ ܚܲܕ ܡܲܪܥܵܢܵܐ ܕܐܵܣܝܘܼܬܵܐ ܢܵܡܘܿܣܵܝܬܵܐ ܝܲܢ ܡܲܪܥܵܢܵܐ ܕܫܲܝܢܘܼܬܵܐ
  • ܙܸܕܩܵܘܟܼܘܿܢ ܩܵܐ ܝܵܗܒܼ ܫܩܵܠܵܐ ܦܝܼܫܵܐ ܝܠܹܗ ܡܩܘܼܝܸܨܵܐ
  • ܦܘܼܩܕܵܢܵܐ ܕܕܲܪܡܲܢܬܵܐ ܙܵܒܼܢܵܢܵܝܬܵܐ ܕܕܝܼܵܘܟܼܘܿܢ، ܝܲܢ ܦܘܼܩܕܵܢܵܐ ܕܕܲܪܡܲܢܬܵܐ ܦܝܼܫܵܐ ܝܠܹܗ ܫܘܼܚܠܸܦܵܐ ܡܼܢ ܓܵܘ ܟܢܘܼܫܬܵܐ ܠܡܲܪܥܵܢܵܐ ܓܵܘ ܒܹܝܬ ܟܪܝܼܗܹܐ ܝܲܢ ܡܼܢ ܡܲܪܥܵܢܵܐ ܓܵܘ ܒܹܝܬ ܟܪܝܼܗܹܐ ܠܓܵܘ ܟܢܘܼܫܬܵܐ
  • ܦܘܼܩܕܵܢܵܐ ܕܕܲܪܡܲܢܬܵܐ ܙܵܒܼܢܵܢܵܝܬܵܐ ܕܕܝܼܵܘܟܼܘܿܢ، ܝܲܢ ܦܘܼܩܕܵܢܵܐ ܕܕܲܪܡܲܢܬܵܐ ܦܝܼܫܵܐ ܝܠܹܗ ܠܵܐ ܩܒܝܼܠܵܐ ܝܲܢ ܡܒܘܼܛܠܵܐ
  • ܐܝܼܬܠܵܘܟܼܘܿܢ ܚܕܵܐ ܡܲܫܡܸܥܬܵܐ ܣܘܼܪܓܸܕܬܵܐ ܓܵܘ ܒܹܝܬ ܕܝܼܢܵܐ ܕܚܘܼܠܡܵܢܵܐ ܕܗܵܘܢܵܐ (Mental Health Tribunal)
  • ܚܕܵܐ ܥܒܼܵܪܬܵܐ ܡܩܘܼܝܸܨܬܵܐ ܦܝܼܫܬܵܐ ܝܠܵܗܿ ܡܘܼܦܠܸܚܬܵܐ، ܐܲܝܟܼ ܕܦܝܼܫܹܐ ܝܬܘܿܢ ܡܘܼܬܒܼܹܐ ܠܚܘܿܕܵܘܟܼܘܿܢ، ܝܲܢ ܦܝܼܫܹܐ ܝܬܘܿܢ ܟܒܼܝܼܫܹܐ ܦܲܓܼܪܵܢܵܐܝܼܬ ܝܲܢ ܟܝܼܡܝܵܝܵܐܝܼܬ
  • ܦܘܼܩܕܵܢܵܘܟܼܘܿܢ ܦܝܼܫܵܐ ܝܠܹܗ ܫܘܼܚܠܸܦܵܐ ܕܦܵܝܫܝܫܬܘܿܢ ܡܫܘܿܢܝܹܐ ܩܵܐ ܕܲܪܡܲܢܬܵܐ ܠܚܕܵܐ ܚܸܠܡܲܬ ܐ݉ܚܹܪ݉ܬܵܐ ܡܥܘܿܝܸܢܬܵܐ ܕܚܘܼܠܡܵܢܵܐ ܕܗܵܘܢܵܐ ..

ܐܸܢ ܐܲܚܬܘܿܢ ܝܼܬܘܿܢ ܚܲܕ ܡܲܪܥܵܢܵܐ ܕܫܲܝܢܘܼܬܵܐ، ܐܵܦ IMHA ܒܸܕ ܦܵܝܫܵܐ ܡܘܼܕܸܥܬܵܐ ܐܸܢ:

  • ܐܲܚܬܘܿܢ ܦܝܼܫܹܐ ܝܬܘܿܢ ܩܘܼܒܠܹܐ ܓܵܘ، ܝܲܢ ܫܘܼܢܝܹܐ ܠܚܕܵܐ ܚܸܠܡܲܬ ܡܥܘܼܝܸܢܬܵܐ ܕܚܘܼܠܡܵܢܵܐ ܕܗܵܘܢܵܐ
  • ܐܲܚܬܘܿܢ ܦܝܼܫܹܐ ܝܬܘܿܢ ܡܦܘܼܠܛܹܐ ܡܓܵܘ ܘܡܘܼܕܥܸܪܹܐ ܠܓܵܘ ܒܹܝܬ ܐܲܣܝܼܪܹܐ (ܗܲܒܣܵܐ).
    ܐܸܢ ܐܲܚܬܘܿܢ ܝܼܬܘܿܢ ܚܲܕ ܡܲܪܥܵܢܵܐ ܕܐܵܣܝܘܼܬܵܐ ܢܵܡܘܿܣܵܝܬܵܐ، ܐܵܦ IMHA ܒܸܕ ܦܵܝܫܵܐ ܡܘܼܕܸܥܬܵܐ ܐܸܢ:
  • ܐܲܚܬܘܿܢ ܦܝܼܫܹܐ ܝܬܘܿܢ ܫܘܼܢܝܹܐ ܠܚܕܵܐ ܚܸܠܡܲܬ ܡܥܘܼܝܸܢܬܵܐ ܕܚܘܼܠܡܵܢܵܐ ܕܗܵܘܢܵܐ، ܫܒܼܘܿܩ ܡܼܢ ܐܸܢ ܣܝܼܥܬܵܐ ܕܦܣܵܣܵܐ ܕܡܲܢܝܲܚܬܵܐ ܕܐܵܣܝܘܼܬܵܐ ܢܵܡܘܿܣܵܝܬܵܐ (Forensic Leave Panel) ܡܫܲܪܸܪܵܐ ܠܫܲܢܲܝܬܵܐ ܝܲܢ ܦܝܼܫܬܵܐ ܝܠܵܗܿ ܡܗܘܼܕܝܼܬܵܐ ܒܝܲܕ ܚܲܕ ܓܘܼܫܡܵܐ ܕܐܝܼܬܠܹܗ ܫܘܼܠܛܵܢܵܐ
  • ܐܸܢ ܐܵܣܝܵܘܟܼܘܿܢ ܕܡܲܪܥܵܐ ܕܢܲܦ̮ܫܵܐ ܝܲܢ ܓܘܼܒܼܪܵܐ ܕܐܵܣܝܹܐ ܕܡܲܪܥܵܐ ܕܢܲܦ̮ܫܵܐ ܡܗܲܕܝܼܠܵܘܟܼܘܿܢ ܕܦܵܝܫܝܼܬܘܿܢ ܫܘܼܢܝܹܐ ܠܚܕܵܐ ܚܸܠܡܲܬ ܐ݉ܚܹܪ݉ܬܵܐ ܡܥܘܼܝܸܢܬܵܐ ܕܚܘܼܠܡܵܢܵܐ ܕܗܵܘܢܵܐ
  • ܝܲܨܝܼܦܘܼܬܵܐ ܕܐܵܣܝܘܼܬܵܐ ܢܵܡܘܿܣܵܝܬܵܐ ܡܲܩܪܘܼܒܼܹܐ ܝܠܵܗܿ ܛܠܵܒܬܵܐ ܩܵܐ ܒܹܝܬ ܕܝܼܢܵܐ ܕܚܘܼܠܡܵܢܵܐ ܕܗܵܘܢܵܐ ܠܩܢܵܝܵܐ ܚܲܕ ܦܘܼܩܕܵܢܵܐ ܚܲܝܠܵܢܵܐ ܕܡܲܪܗܵܝܬܵܐ ܕܥܲܝܢܵܐ، ܐܸܢ ܘܐܝܼܡܲܢ ܕܐܵܗܵܐ ܦܘܼܩܕܵܢܵܐ ܦܵܐܹܫ ܥܒܼܝܼܕܵܐ.

ܡܲܨܠܹܝܡܘܼܢ ܠܘܲܪܵܩܵܐ ܕܡܵܘܕܥܵܢܘܼܬܵܐ IMHA (ܦ̮ܘܿܪܡ ܕܡܲܚܦܲܠܬܵܐ ܡܼܢ ܫܲܘܬܲܦܬܵܐ)

ܘܲܪܵܩܵܐ ܕܡܵܘܕܥܵܢܘܼܬܵܐ IMHA (ܦ̮ܘܿܪܡ ܕܡܲܚܦܲܠܬܵܐ ܡܼܢ ܫܲܘܬܲܦܬܵܐ)

ܡܲܨܠܹܝܡܘܼܢ ܠܦܸܬܩܵܐ ܒܲܪܝܼܕܵܝܵܐ ܕ IMHA

ܦܸܬܩܵܐ ܒܲܪܝܼܕܵܝܵܐ ܕ IMHA >ܐܵܬܘܿܪܵܝܵܐ<

ܕܵܐܟܼܝܼ ܠܡܲܚܒܘܼܪܹܐ ܩܵܐ IMHAܘܠܸܝܠܵܦܵܐ ܒܘܼܫ ܙܵܘܕܵܐ

  • ܫܲܕܪܘܼܢ ܚܲܕ ܐܝܼܡܵܝܠ ܩܵܐ contact@imha.vic.gov.au
  • ܡܲܚܒܸܪܘܼܢ ܩܵܐ ܚܘܼܛܵܐ ܕܬܹܠܹܦ̮ܘܿܢ ܕ IMHAܥܲܠ ܡܸܢܝܵܢܵܐ 820 947 1300، ܐܲܝܢܝܼ ܕܦܝܼܫܵܐ ܝܠܹܗ ܡܘܼܦܠܸܚܵܐ ܒܝܲܕ ܣܵܢܕܵܢܹܐ ܕ IMHA ܡܼܢ ܣܵܥܲܬ 9:30 ܒܩܲܕܵܡܬܵܐ ܗܲܠ ܣܵܥܲܬ 4:30 ܒܪܲܡܫܵܐ ܩܵܐ ܫܲܒܼܥܵܐ ܝܵܘܡܵܢܹܐ ܒܫܵܒܼܘܿܥܵܐ (ܫܒܼܘܿܩ ܡܼܢ ܝܵܘܡܵܢܹܐ ܕܒܸܛܠܵܢܹܐ ܥܲܡܡܵܝܹܐ). ܡܵܨܝܼܬܘܿܢ ܗܲܡܙܸܡܝܼܬܘܿܢ ܥܲܡܲܢ ܒܠܸܫܵܢܵܘܟܼܘܿܢ.
  • ܡܲܚܒܸܪܘܼܢ ܩܵܐ ܚܘܼܛܵܐ ܕܙܸܕܩܹܐ ܕ IMHAܥܲܠ ܡܸܢܝܵܢܵܐ 353 959 1800 ܩܵܐ ܕܫܵܡܥܝܼܬܘܿܢ ܚܕܵܐ ܣܲܓܼܲܠܬܵܐ ܒܘܼܬ ܙܸܕܩܵܘܟܼܘܿܢ
  • ܝܠܘܿܦܘܼܢ ܒܘܼܫ ܙܵܘܕܵܐ ܒܘܼܬ ܕܵܐܟܼܝܼ ܡܲܚܒܸܪܝܼܬܘܿܢ ܠܲܢ.
  • ܛܠܘܿܒܘܼܢ ܡܼܢ ܚܲܕ ܡܙܲܘܸܕܵܢܵܐ ܕܚܸܠܡܲܬ ܕܚܘܼܠܡܵܢܵܐ ܕܗܵܘܢܵܐ، ܝܲܢ ܬܲܓܒܸܪܵܢܵܐ، ܝܲܢ ܚܲܕ ܦܲܪܨܘܿܦܵܐ ܐ݉ܚܹܪ݉ܢܵܐ ܣܵܢܕܵܢܵܐ ܕܗܲܝܸܪ ܒܡܲܚܒܲܪܬܵܐ ܩܵܐ IMHA.
  • ܐܸܢ ܡܲܚܘܼܒܹܐ ܝܬܘܿܢ ܕܡܲܩܪܸܒܼܝܼܬܘܿܢ ܚܘܼܫܵܒܼܹܐ ܘܡܲܚܫܲܚܝܵܬܹܐ ܝܲܢ ܥܵܒܼܕܝܼܬܘܿܢ ܚܕܵܐ ܫܟܵܝܬܵܐ ܒܘܼܬ IMHA، ܐܸܢ ܒܲܣܡܵܐܠܵܘܟܼܘܿܢ ܡܲܚܒܸܪܘܼܢ ܠܲܢ. ܝܠܘܿܦܘܼܢ ܒܘܼܫ ܙܵܘܕܵܐ ܒܘܼܬ ܫܟܵܝܵܬܹܐ ܘܚܘܼܫܵܒܼܹܐ ܘܡܲܚܫܲܚܝܵܬܹܐ.

More information

Know your rights, have your say – webpage translation – English
Word 238.3 KB
(opens in a new window)

Updated